Kocha Mkuu wa Yanga Nasreddine Nabi ameuambia uongozi wa timu hiyo kuwa angependa nafasi mbili za wachezaji wa kigeni ziachwe kwa ajili ya maboresho kwenye usajili wa dirisha dogo
Yanga imeanza maboresho ya kikosi chake ambapo michakato ya usajili imeanza mapema licha ya kuwa dirisha la usajili bado halijafunguliwa
Aidha Nabi amependekeza usajili wa nyota wasiozidi sita katika usajili wa wakati huu
Nyota wa kigeni ambao wako kwenye kikosi cha Yanga ni Farouk Shikhalo, Lamine Moro, Mukoko Tonombe, Tuisila Kisinda, Haruna Niyonzima, Saido Ntibazonkiza, Yacouba Songne, Michael Sarpong na Fiston Abdulrazak
Wachezaji wa kigeni wamebaki tisa baada ya Carlinhos kuondoka
Baadhi ya wachezaji kama Shikhalo, Fiston na Niyonzima mikataba yao inamalizika mwishoni mwa msimu huu
