Mtandao wa Kickoff wa Afrika ya Kusini umethibitisha kuwa Mkurugenzi wa Uwekezaji GSM Injinia Hersi Said ametua Afrika Kusini kukamilisha makubaliano ya kumsajili mshambuliaji wa Kaizer Chiefs Lazarous Kambole
Kambole anafahamika kuwa miongoni mwa wachezaji ambao Chiefs wanakusudia kuwauza katika mpango wa kukisuka upya kikosi chao
Hivi karibuni Chiefs walimtimua Kocha Mkuu Gavin Hunt baada ya kufungwa mabao 3-0 na Simba licha ya kutinga nusu fainali ya michuano ya ligi ya mabingwa kwa ushindi wa jumla wa mabao 4-3
Kickoff wamedokeza kuwa Injinia Hersi alitua Uwanja wa Ndege wa Kimataifa wa OR Tambo mapema leo baada ya kusafiri kutoka DR Congo ambako alikamilisha usajili wa mchezaji mwingine
Majadiliano kati ya Yanga na Chiefs kuhusu Kambole yalianza wakati Chiefs walipokuja Tanzania kucheza na Simba
Chiefs wako tayari kumwachilia Kambole kwani hiyo itawawezesha pia kufungua nafasi ya kigeni, ambayo itawaruhusu kuleta wachezaji wengine wa kigeni
