Yanga ilianza kumfuatilia mshambuliaji wa Mbeya City Kibu Denis hata kabla hajaitwa kuitumikia timu ya Taifa ya Tanzania 'Taifa Stars'
Wengi walikubali uwezo wake baada ya mchezo wa timu ya Taifa dhidi ya Malawi uliomalizika kwa Tanzania kushinda mabao 2-0
Katika mchezo huo, Kibu ndiye aliyesababisha mabao yote mawili kupatikana, akitengeneza bao la kwanza na kufanyiwa madhambi yaliyopelekea bao la pili kupatikana
Imeelezwa Yanga imemalizana na Mbeya City juu ya usajili wa mshambuliaji huyo aliyefungia Mbeya City mabao saba ligi kuu ya Vodacom msimu huu
Kibu anatarajiwa kusaini mkataba wa miaka minne kuwatumikia mabingwa hao wa kihistoria
Katibu Mkuu wa Mbeya City Emmanuel Kimbe amethibitisha Yanga kumuhitaji mshambuliaji huyo na kuwa wamekamilisha mazungumzo
Kimbe amedokeza kuwa Kibu atawagharimu Yanga takribani Tsh Milioni 180 kuweza kujiunga nao kwa mkataba wa miaka minne
