Kama wewe ni Mwanachama wa Yanga na unayo nafasi ya kushiriki Mkutano Mkuu, mpaka muda huu unapaswa kuwa umehakikisha una sifa ya kushiriki Mkutano huo
Kama hujakamilisha kulipia uanachama wako, kamilisha zoezi hilo leo, ili kuwa sehemu ya historia Jumapili
Baada ya miaka 86, siku ya kesho Jumapili, Juni 27 2021 Yanga inakwenda kufanya Mabadiliko ya mfumo wa uendeshaji
Wanachama wa Yanga wanatarajiwa kufanya Mabadiliko ya Katiba ambayo yataruhusu mfumo mpya wa uendeshaji wa klabu hiyo
Rasmi uwekezaji unakwenda kuruhusiwa Yanga. Hili lina maana kuwa klabu sasa inakwenda kutumia mfumo ambao utaifanya ijitegemee
Kupitia kampuni itakayoundwa, Yanga itanufaika na biashara ya mpira itakayoendeshwa na wawekezaji wake watatu au wanne watakaonunua hisa asilimia 49%
Haya yote yatawezekana kama Wanachama wataridhia Mabadiliko yaliyopendekezwa na kamati ya Mabadiliko pamoja na maoni ya wadau
Hii ni siku muhimu kwa Mwanachama wa Yanga, hakikisha unashiriki ili uwe sehemu ya historia
