Uongozi wa klabu ya Yanga umethibitisha kuwa tayari wamewasilisha ushahidi wa kesi dhidi ya mchezaji Bernard Morrison na kinachosubiriwa sasa ni kutolewa hukumu kwa kesi hiyo
Mahakama ya Kimataifa ya usuluhishi wa Michezo (CAS) inatarajiwa kutoa hukumu ya kesi hiyo kabla ya mwezi huu kumalizika
Mapema wiki hii katika mahojiano na Azam TV, Afisa Habari wa Yanga Hassan Bumbuli alitamba kuwa Yanga itakuwa bingwa msimu huu na jambo hilo litatokea kabla ya Julai 25 siku ya mchezo wa fainali kombe la FA
"Tuna michezo miwili kukamilisha msimu, Julai 14 tutacheza na Ihefu Fc na Julai 18 Dodoma Jiji, tunahitaji kushinda mechi zote mbili. Naamini tutakuwa mabingwa msimu huu, tena jambo hilo litatimia kabla ya mchezo wa fainali ya FA," alitamba Bumbuli
Inaelezwa kesi hiyo itatolewa maamuzi na CAS Julai 22 na Jaji kutoka nchini Uingereza
