Tangu msimu uliopita Shirikisho la Soka Barani Afrika (CAF) liliruhusu klabu zinazoshiriki ligi ya mabingwa na kombe la Shirikisho kusajili hadi wachezaji 40 badala ya 30
Ni kutokana na changamoto ya janga la corona ambalo bado linatikisa dunia
Msimu huu pia CAF imeruhusu klabu kusajili wachezaji 40 kwa ajili ya michuano hiyo
Pamoja na kuwa nyota wa kigeni wanaoruhusiwa kushiriki ligi ya ndani ni 10, TFF imeziruhusu timu zitakazoshiriki michuano ya CAF kusajili wachezaji wa kigeni zaidi ya 10 lakini watakaoandikishwa kwa ajili ya kushiriki ligi kuu idadi haitabadilika (10)
Hivyo haitashangaza kama itatokea Yanga ikasajili zaidi ya wachezaji 10 wa kigeni kwani wengine wanaweza kutumika kwenye michuano ya CAF tu
Kulingana na kalenda iliyotolewa na CAF kwa ajili ya michuano ya msimu ujao, mechi za hatua ya awali zinatarajiwa kuanza mwanzoni mwa mwezi wa tisa
Hivyo ni wazi ligi itakapomalizika wiki ijayo wachezaji hawatakuwa na muda mrefu wa kupumzika, watapaswa kuingia kambini kujiandaa na michuano hiyo
Lakini pia, ikumbukwe mwanzoni mwa mwezi wa nane kuna tukio la wiki ya Mwananchi
