Kamati ya Waamuzi imeeleza kuwa haitafanya mabadiliko ya Waamuzi wa mchezo wa fainali kombe la Shirikisho la Azam (ASFC) kati ya Yanga dhidi ya Simba ambao utapigwa keshokutwa Jumapili uwanja wa Lake Tanganyika
Mwenyekiti wa Kamat hiyo, Soud Abdi amesema mwamuzi Ahmed Arajiga alipangwa tangu hatua za awali
"Tumeona malalamiko ya Yanga kuhusu mwamuzi Ahmed Arajiga kuwa amechezesha mechi tatu mfululizo za Simba kwenye michuano hii ya FA, lakini sisi kama Kamati tulimuandaa tangu kwenye hatua za awali"
"Leo hii tukimtoa Arajiga kwa sababu amelalamikiwa tukimuweka mwingine nae akilalamiwa na timu nyingine tutafika wapi. Kikubwa nawataka waamuzi waliopangwa kufuata sheria 17 za soka na timu ziingie zikiwa na imani sheria zitafuatwa na mwenye bahati atashinda," alisema Soud
