Pole Mukoko, siku mbaya ofisini

Haikuwa siku nzuri sana kwa kiungo Mukoko Tonombe ambaye alitolewa nje kwa kadi nyekundu dakika za majeruhi kipindi cha kwanza baada ya kumpiga kiwiko John Bocco

Ni presha ya mchezo iliyomkumba Mukoko baada ya kufanyiwa madhambi na Bocco

Ikumbukwe katika mchezo wa Julai 03 uliopigwa uwanja wa Benjamin Mkapa, Mukoko alifanyiwa rafu nyingi na Bocco pasipo mwamuzi kuchukua hatua yoyote

Pengine leo hakuweza kuwa mvumilivu na kujikuta akifanya kosa ambalo kwa hakika limeigharimu Yanga

Wakati mwingine matukio haya hutokea pasipo kutarajiwa, ni kosa ambalo Mukoko atalijutia kwa muda mrefu

Jambo muhimu kwa Wanayanga ni kumjenga kisaikolojia kwa kutompa presha kutokana na tukio lile

Dabi nyingine inakuja mwezi Septemba Ngao ya Jamii, hawa bado tunao...!