Mlinda lango wa Yanga Farouk Shikhalo amesema walihitaji kupata ushindi katika mchezo dhidi ya Atlabara ili kujiwekea nafasi nzuri ya kutinga nusu fainali lakini haikuwa bahati yao, wanajipanga kwa ajili ya mchezo unaofuata
"Hayakuwa matokeo tuliyohitaji, vijana wamepambana lakini bahati haikuwa yetu, tunajipanga kwa ajili ya mchezo unaofuata," alisema Shikhalo
Keshokutwa Jumamosi, Yanga itakamilisha hatua ya makundi ya michuano hiyo kwa kuikabili Express mabingwa wa Uganda, katika mchezo ambao Yanga inahitaji ushindi
Yanga ilikuwa na kila nafasi ya kupata ushindi dhidi ya Atlabara lakini kukosekana kwa umakini kulipelekea nafasi nyingi zikapotea licha ya kuwa mlinda lango wa Atlabara pia alikuwa kikwazo
Yanga inashika nafasi ya tatu kwenye msimamo wa kundi A wakiwa na alama mbili kama ilivyo kwa Big Bullets huku Express wakiongoza msimamo na alama zao nne
