Ni suala la muda tu mlinda lango Djigui Diarra atatambulishwa kuwa mchezaji wa Yanga akitua kutoka klabu ya Stade Malien ya Mali
Diarra mwenye umri wa miaka 26, alikuwa mchezaji bora wa ligi kuu ya Mali msimu uliopita, akishinda tuzo hiyo kwa mara ya pili
Akiwa na Stade Malien, Diarra alishinda taji la ligi kuu kwa misimu minne mfululizo kuanzia 2013 mpaka 2017
Akiwa na timu ya Taifa, Diarra alishiriki fainali za Afcon 2016 huku mapema mwaka huu akiongoza timu ya Taifa ya Mali kwa wachezaji wa ndani, yeye akiwa nahodha katika michuano ya CHAN ambayo Mali iliweza kutinga fainali
Kacheza kombe la dunia U-20 akiisaidia Mali kumaliza katika nafasi ya tatu. Mwaka 2015 alitajwa kuwa kipa bora namba 2 kwa ubora barani Afrika
Ni Kocha Nasreddine Nabi aliyependekeza usajili wa mwamba huyu, akiwataka viongozi wa Yanga wamlete Jangwani kwa gharama yoyote
Ni kwa sababu atakuwa na uhakika lango la Yanga litakuwa katika mikono salama chini ya Diarra
