Mlinzi mpya wa Yanga Djuma Shabaan leo ametambulishwa rasmi kuwa mchezaji wa Yanga
Djuma aliyetua Yanga akitokea klabu ya AS Vita, amesema amefurahi kusajiliwa na mabingwa hao wa kihistoria kwani anatambua ukubwa wa klabu ya Yanga
Djuma amesema furaha yake itakuwa zaidi kama ataweza kuisaidia Yanga kushinda mataji mbalimbali
"Nimefurahi kusajiliwa na Yanga kwa sababu ni timu kubwa. Furaha yangu itakuwa mara dufu zaidi kama nitashinda mataji. Hiyo ndio dhamira yangu kubwa, kuiona Yanga inatamba Afrika," alisema Djuma
Djuma alisajiliwa na Yanga tangu mwezi Juni ambapo usajili wake ulikamilishwa na Makamu Mwenyekiti wa Kamati ya Mashindano Injinia Hersi Said
Katika hatua nyngine, Kaimu Katibu Mkuu wa Yanga Haji Mfikirwa amesema Wanachama na Mashabiki wa timu hiyo wanayo kila sababu ya kuwashukuru na kuwapongeza wadhamini wao GSM kwani wamefanya kazi kubwa kuwasajili wachezaji hao
Mfikirwa amesema haikuwa rahisi kumpata Djuma kwani nyota huyo alikuwa akiwaniwa na timu nyingi barani Afrika
