Msuva ampa moyo Mahadhi

Baada ya winga wa Yanga Juma Mahadhi kuandika waraka wa kuwaomba rambi viongozi na mashabiki wa Yanga juu ya kutofikia matarajio yao na kuahidi kubadilika na kutimiza wajibu wake ipasavyo, winga wa zamani wa Yanga Simon Msuva amepongeza hatua hiyo ya Mahadhi.

Msuva amesema kitendo cha Mahadhi kutambua mapungufu yake ni matua kubwa kuelekea mafanikio. Jambo la msingi kwake ni kuhakikisha anajituma na kutimiza yale yote anayowajibika nayo.

Aidha Msuva amemtabiria Mahadhi kuwa kama ataongeza bidii na kujituma zaidi atafika pale alipo yeye na pengine zaidi yake.

"Neno Msamaha , Nisamehe sio Ujinga muhimu umejua wapi umeteleza Naimani Unakipaji kikubwa sana Endelea kuamini kwamba unaweza," amefunguka Msuva kupitia ukurasa wake wa Instagram.

"No time to waste Brother Hongera kwa kutambua ilo naimani wewe ni Champion Endeleza mapambano Mdogo wangu usonge mbele uje ufike Nilipo na Zaidi Nafasi bado Unayo @jumamahadhi21 Twende tuisogeze Tanzania Yetu."

Mahadhi alitarajiwa kuziba pengo la Msuva mwanzoni mwa msimu baada ya winga huyo mkali wa mabao kusajiliwa na Difaa Al Jadida ya Morocco.

Msuva amerejea nchini kwa mapumziko ya wiki moja baada ya ligi kuu ya Morocco kusimama.