Djigui kuungana na Yanga Morocco

Mlinda lango wa Yanga Djigui Diarra ameondoka Mali kuelekea Morocco tayarfi kwa kambi ya maandalizi ya msimu mpya wa ligi na michuano ya Kimataifa

Djigui ambaye aliibuka mlinda lango bora wa ligi kuu ya Mali msimu uliomalizika, ni miongoni mwa wachezaji ambao waliruhiswa kurejea nchini mwao baada ya kusaini mikataba yao jijini Dar es Salaam

Ataungana na wenzake Morocco, kikosi kikiondoka mchana wa leo jijini Dar es salaam, wakitarajiwa kulala Dubai na kuendelea na safari kesho Jumatatu

Nyota wengine watakaoungana na timu nchini Morocco ni kiungo Khalid Aucho, Yacouba Songne na beki kisiki Yannick Bangala