Yanga iko nchini Morocco leo ikianza maandalizi ya msimu mpya wa ligi kuu ya michuano ya Kimataifa
Miongoni mwa wachezaji watakaokuwa sehemu ya kikosi kilichoingia kambini ni beki kiraka Yannick Bangala Litomba
Kitasa huyu ametua kwa Wananchi akitokea klabu ya FAR Rabat inayoshiriki Ligi Kuu hapo Morocco. Bangala ameungana na wenzake hapohapo Morocco
Ndiye mchezaji pekee ambaye utambulisho wake bado haujawa rasmi
Afisa Habari wa Yanga Hassan Bumbuli amesema Bangala atatambulishwa huko huko Morocco kwani taratibu za usajili wake zilikamilika mapema akiwa miongoni mwa wachezaji watakaoitumikia Yanga kwenye michuano ya ligi ya mabingwa
Pamoja na kumudu vyema nafasi ya ulinzi wa kati, beki huyo aliyewahi kuzitumikia AS Vita na DC Motema Pembe zote za DR Congo, pia anamudu kucheza kama mlinzi wa upande wa kulia na kiungo mkabaji
Kwa nyakati tofauti aliitwa timu ya Taifa ya DR Congo na alitumika zaidi kama mlinzi wa kati au kiungo mkabaji
Ni mchezaji mwenye uzoefu wa michuano ya Kimataifa, akiwa na umri wa miaka 27
