Uongozi wa klabu ya Yanga umekanusha taarifa zilizosambazwa kwenye mitandao ya kijamii kuhusu hati za Uhamisho wa Kimataifa (ITC) baadhi ya wachezaji zinazodaiwa hazijafika
Afisa Habari wa Yanga Hassan Bumbuli amesema walikamilisha usajili wa wachezaji wote wa kigeni kwa wakati ikiwa ni pamoja na kupata ITC zao isipokuwa mchezaji mmoja ambaye mchakato wa kupata ITC yake ulikuwa ukiendelea
"Tumekamilisha usajili wa wachezaji wetu wote wa kigeni ikiwa ni pamoja na kupata ITC zao isipokuwa mchezaji mmoja, Khalid Aucho. Mpaka jana jioni tulikuwa tukikamilisha upatikanaji wa ITC ya Aucho ambayo ilichelewa kutokana na sababu za Mawasiliano"
"Hdi wakati naondoka ofisini jana jioni mchakato ulikuwa ukiendelea na pengine jambo hilo litakuwa limekamilishwa usiku," alisema Bumbuli
Bumbuli amewahakikishia mashabiki wa Yanga kuwa nyota wote wa kigeni waliowasajili katika dirisha hili la usaji, watawatumia katika michuano ya ligi ya mabingwa kwani usajili wao ulikamilishwa kabla ya August 15 siku ambayo dirisha la usajili la CAF lilifungwa
