Wiki ya Mwananchi inaanza wikiendi hii ambapo uzinduzi utafanyika visiwani Zanzibar kesho Jumamosi, August 21, 2021
Akizungumza katika Mkutano na Wanahabari mapema leo, Mwenyekiti wa Kamati ya Hamasa na Mjumbe wa Kamati ya Utendaji ya Yanga, Suma Mwaitenda amesema Wiki ya Mwananchi itabeba mambo makubwa manne
Amesema baada ya uzinduzi visiwani Zanzibar, Wanayanga watashiriki katika shughuli za kurejesha kwa jamii kwa kutoa huduma ikiwa ni pamoja na kuchangia damu, kufanya usafi na kutoa misaada kwa wasiojiweza
Kilele cha wiki hiyo ni Jumapili ya Augist 29 2021 ambapo siku hiyo itaashiria kumalizika kwa msimu uliopita na kuanza kwa msimu mpya
Amesema siku hiyo kutakuwa na matukio mbalimbali kama kutambulisha vikosi vya Yanga timu ya vijana na Wanawake, kutambulisha wachezaji na benchi la ufundi pia watazindua jezi mpya za msimu ujao
