Jumatatu Septemba 06, Uganda Cranes itachuana na Mali katika mchezo wa kuwania tiketi ya fainali za michuano ya kombe la Dunia
Kiungo Khalid Aucho atakumbana na mlinda lango Djigui Diarra wote wakiwa wametua Yanga katika usajili wa dirisha lililofungwa hivi karibuni
Wakati Diarra aliweza kushiriki kilele cha Wiki ya Mwananchi licha ya kufiwa na baba yake, Aucho hakuweza baada ya kutakiwa mapema na Uganda iliyokuwa ikikabiliwa ya mechi ya kirafiki kabla ya mchezo wao dhidi ya Kenya uliopigwa jana na kumalizika kwa suluhu ya bila ya kufungana
Habari njema zaidi kwa kocha Nasreddine Nabi ni kuwa wachezaji hao wanaweza kutua jijini Dar es salaam Septemba 07 baada ya kumaliza majukumu yao katika mchezo huo
Nyota wengine Feisal Salum , Dickson Job na Bakari Nondo Mwamnyeto ambao wako kwenye kikosi cha timu ya Taifa ya Tanzania, nao wanaweza kurejea kambini Septemba 07 baada ya mchezo dhidi ya Madagascar ambao utapigwa siku hiyo katika uwanja wa Benjamin Mkapa
Kiraka Yannick Bangala ambaye yuko katika kikosi cha DR Congo yeye anaweza kutua nchini Septemba 08 kwani DR Congo watakuwa ugenini dhidi ya Benin katika mchezo utakaopigwa Septemba 06
