Baada ya usajili wa Shabani Djuma ambaye amechukua majukumu ya safu ya ulinzi wa kulia, Kocha Mkuu wa Yanga Nasreddine Nabi bado anaonekana kumuhitaji Kibwana Shomari katika kikosi chake cha kwanza na huenda akambadilishia majukumu
Katika mchezo wa kilele cha wiki ya Mwananchi uliopigwa wiki iliyopita dhidi ya Zanaco Fc, Kibwana alitumika kama mlinzi wa kushoto, akicheza nafasi hiyo kwa dakika zote 90
Licha ya usajili wa David Bryson ambaye ameungana kwenye safu ya ulinzi upande wa kushoto na Adeyum Saleh na Yassin Mustafa, bado Nabi alipendelea kuanza na Kibwana
Juzi katika mchezo wa kirafiki dhidi ya Friends Rangers, kwa mara nyingine Kibwana alianza katika safu ya ulinzi upande wa kushoto huku Djuma akikaa upande wa kulia
Baadae Nabi alimhamishia Kibwana eneo la kiungo mkabaji kuchukua nafasi ya Zawadi Mauya aliyekuwa ameumia huku Adeyum akiingia kucheza kushoto
Bado Bryson hawaja fit kwa asilimia 100 kwani nae alikuwa majeruhi kama ilivyo kwa Yassin ambaye alikosa karibu mechi zote za duru ya pili msimu uliopita kutokana na majeraha
Kibwana ndiye mchezaji aliyecheza dakika nyingi zaidi kwenye kikosi cha Yanga msimu uliopita
Kiwango chake kimeimarika sana, lakini bado sio rahisi kwake kumuweka nje Djuma katika safu ulinzi upande wa kulia
Kwa kuwa Nabi bado anamuhitaji kuanza kwenye kikosi chake, analazimika kumbadilishia majukumu
