Baada ya mapumziko ya siku moja, Yanga ilirejea mazoezini leo asubuhi kujiandaa na mchezo wa Ngao ya Jamii dhidi ya Simba ambao utapigwa Jumamosi, Septemba 25 katika uwanja wa Benjamin Mkapa
Habari njema ni kurejea kikosini kwa wachezaji wote waliokuwa majeruhi
Afisa Habari wa Yanga Hassan Bumbuli amethibitisha wachezaji wote waliokuwa majeruhi wamepona na leo wameanza rasmi mazoezi na wenzao
Nyota hao ni David Bryson, Mapinduzi Balama na Yassin Mustafa
Lakini pia Shabani Djuma, Fiston Mayele na Khalid Aucho nao wamerejea rasmi kikosini baada ya kukosa michezo ya ligi ya mabingwa dhidi ya Rivers United sababu ya ITC zao kuchelewa
Ufafanuzi ulishatolewa kuwa wachezaji hao wanaruhusiwa kushiriki mashindano yote ya ndani kwani ITC zao ziliwasili ndani ya muda wa usajili wa ndani (August 16) hawakuwa na sifa ya kucheza hatua ya awali na raundi ya kwanza ya michuano ya ligi ya mabingwa tu
Ipo dhamira ya kweli kwa wachezaji kuhitaji kushinda mchezo wa Ngao ya Jamii
