Timu ya Taifa ya Tanzania 'Taifa Stars' jana jioni ilifanya mazoezi ya mwisho kuelekea mchezo wa marudiano kuwania tiketi ya kufuzu fainali za michuano ya kombe la Dunia dhidi ya Benin
Mchezo huo utapigwa leo Jumapili saa kumi jioni huko Benin
Baada ya kupoteza mchezo uliopigwa jijini Dar es salaam, Tanzania inapaswa kushinda mchezo huo ili kuwa na matumaini ya kupigania nafasi ya kucheza kombe la Dunia
Kama ulishuhudia mchezo uliopigwa uwanja wa Benjamin Mkapa juzi, ni ngumu kuamini kuwa Tanzania ilifungwa, kwani ilicheza vyema na kutengeneza nafasi nyingi
Iliadhibiwa kwa kuwa washambuliaji wake walishindwa kutumia nafasi nyingi walizotengeneza wakati Benin walipata nafasi moja muhimu na wakaitumia
Tanzania bado ina nafasi ya kufanya vizuri huko Benin na wanapaswa kushinda kuendelea kuwa na matumaini
Kocha Mkuu wa Stars Kim Poulsen amesema vijana wake wako tayari na wamedhamiria kuondoka na alama zote tatu Benin
