Mashabiki wa Yanga wana shauku kubwa ya kuwashuhudia baadhi ya wachezaji waliosajiliwa msimu huu ambao hawajawa na nafasi kwenye kikosi cha kwanza
Jina la winga Dickson Ambundo limetajwa sana wengi wakihoji kulikoni? mbona haonekani?
Pengine leo wanaweza kumshuhudia Ambudo katika mchezo wa kirafiki dhidi ya JKU ambao utapigwa kuanzia saa moja usiku
Ambundo alikuwa majeruhi, ni miongoni mwa wachezaji ambao wamerejea kikosini na wanayo nafasi ya kucheza mchezo huo wa kirafiki
Pia mlinzi wa kushoto David Bryson anaweza kuwa na nafasi leo na hata Mapinduzi Balama ambaye amekuwa nje kwa mwaka mzima anaweza kuwa na dakika chache
Pamoja na kukiandaa kikosi chake kimbinu, mechi hizi za kirafiki ambazo hazina presha kubwa zinamsaidia kocha kuwapa nafasi wachezaji wengine na kuona vile anaweza kuwatumia katika kikosi chake
