Wananchi wako Songea ambapo jioni ya leo watashuka katika uwanja wa Majimaji kuwakabili watoza ushuru wa Kinondoni, KMC katika mchezo wa ligi kuu ya NBC
Ni mchezo muhimu kwa Yanga kuendeleza wimbi la ushindi katika kampeni ya kusaka ubingwa msimu huu
Hata hivyo wanakutana na KMC, moja ya timu zenye kawaida ya kuwapa wakati mgumu katika mechi baina ya timu hizo
KMC ambao ni wenyeji wa mchezo huo walichagua kuupeleka Songea lakini ni wazi wao watakuwa wageni kwani ni Yanga inayotarajia kuwa na mashabiki wengi uwanjani
Tangu Yanga ilipowasili Songea juzi, shamra shamra za Wananchi zimeshamiri kila kona
Idadi kubwa ya mashabiki walijitokeza jana wakati Yanga ikikamilisha maandalizi ya mwisho katika dimba la Majimaji
Hivyo ni mchezo ambao Yanga itakuwa na sapoti kubwa ya mashabiki wake, na hakika wanahitaji kuwapa furaha mashabiki wao ambao wameonyesha upendo mkubwa kwa timu yao
Meneja wa Yanga Hafidh Saleh amesema wachezaji wote wako tayari kwa mchezo huo utakaopigwa kuanzia saa 10 jioni
