Tshishimbi kutoka unahodha wa Yanga hadi Kitayose Fc

Nahodha wa zamani wa Yanga Papy Tshishimbi amesajiliwa na Kitayose Fc ya Tabora inayoshiriki Championship akiwa mchezaji huru

Msimu uliopita Tshishimbi aliitumikia AS Vita, lakini timu hiyo ikaachana nae mwishoni mwa msimu

Yussuf Kitumbo ambaye ni mlezi wa Kitayose na Mwenyekiti wa Chama cha Soka Mkoa wa Tabora amethitisha kuwa timu hiyo imemsajili Tshishimbi na winga wa zamani wa Simba Deo Kanda

Yanga iliachana na Tshishimbi mwishoni mwa msimu wa 2019/20 baada ya mchezaji huyo kutaka fedha zaidi nje ya makubaliano ambayo uongozi ulikuwa umeafikiana nae awali

Yanga wakamsajili Zawadi Mauya kuchukua nafasi yake