Jana Heritier Makambo alifunga bao pekee la Yanga kwenye mchezo wa kirafiki dhidi ya Mlandege uliopigwa visiwani Zanzibar
Mchezo huo ni sehemu ya shamrashamra za mwaka mmoja wa Rais wa Zanzibar Dk Hussein Mwinyi
Makambo alifunga bao hilo akimalizia mpira uliogonga mwamba uliopigwa na Fiston Mayele
Kocha Mkuu wa Yanga Nasreddine Nabi aliwaanzisha washambuliaji hao pamoja, ikiwa ni nadra sana kufanya hivyo
Nabi anapendelea zaidi kutumia mshambuliaji mmoja mbele, Mayele akiwa ndio chaguo la kwanza
Mayele ni mshambuliaji hatari ambaye mikimbio yake inatengeneza nafasi nyingi, pengine akiongeza umakini kwenye umaliziaji anaweza kufunga mabao mengi
Akianza na Mayele, Makambo anaweza kuwa na kazi rahisi ya kumalizia tu kama alivyofanya jana kwenye mchezo dhidi ya Mlandege Fc
