Katika mchezo wa ligi kuu dhidi ya Geita Gold, Yanga walifunga mabao mawili halali kabisa lakini yalikataliwa na mwamuzi
Lakini matukio yale hayakuwa na mjadala mkubwa kama ulioibuliwa jana baada ya Yanga kusawazisha bao kupitia mkwaju wa penati wenye utata katika mchezo dhidi ya Namungo FC
Wale wale wanaosimamia mjadala huo ni walewale ambao hivi karibuni walianzisha mjadala wa Fair Competition baada ya mchezo kati ya Simba dhidi ya Namungo FC!
Hawa waamuzi ni binadamu, wakati mwingine wanafanya makosa kwa kuwa hawana nafasi ya pili kujisahihisha pale wanapoamua, labda tuletewe VAR
Matukio haya yanatokea kote duniani na yataendelea kutokea, kwa kuwa waamuzi ni binadamu, Kwa nchi zilizoendelea matumizi ya VAR yamepunguza kidogo
Hivi wamesahau msimu uliopita kilichotokea kwa Yanga katika mchezo dhidi ya hawa hawa Namungo uliopigwa uwanja wa Majaliwa?
Yacouba Songne alifunga bao halali kabisa lakini lilikataliwa katika mazingira tatanishi
Hii mijadala itaendelea kuwepo sana kwa sababu matukio haya yataendelea kujitokeza kwani hawa waamuzi ni sio malaika...!
