Jana Yanga imeangusha alama za kwanza msimu huu baada ya kulazimishwa sare ya bao 1-1 dhidi ya Namungo Fc katika mchezo uliopigwa uwanja wa Ilulu, Lindi
Licha ya matokeo hayo, Yanga imeendelea kubaki kileleni mwa msimamo wa ligi ikiwa imekusanya alama 16 baada ya kushuka dimbani mara sita
Kabla ya matokeo hayo, Yanga ilikuwa imecheza dakika 540 bila ya kupoteza mchezo wala sare!
Walianza na ushindi wa bao 1-0 dhidi ya Simba katika mchezo wa Ngao ya Jamii, wakashinda mechi za ligi kuu ya NBC dhidi ya Kagera Sugar (1-0), Geita Gold (1-0), KMC (2-0), AzaM Fc (2-0) na Ruvu Shooting (3-1)
Pamoja na sare ya jana, bado waendeleza rekodi yao ya kutopoteza mchezo sasa wakifikisha dakika 630
Yanga pia walishinda michezo yote ya kirafiki waliyocheza katika kipindi hicho
Ligi ni 'marathon', mapambano lazima yaendelee ambapo Yanga inarejea jijini Dar es salaam kujiandaa na mchezo dhidi ya Mbeya Kwanza
Mchezo huo utapigwa Novemba 30 katika uwanja wa Sokoine, Mbeya
Kila mchezo kwa Yanga msimu huu ni fainali!
