Wiki iliyopita kelele za wale ambao Msemaji wa Yanga Haji Manara anawaita 'wachambuzi chupli-chupli' zilikuwa nyingi sana baada ya Yanga kupata mkwaju wa penati katika mchezo dhidi ya Namungo Fc
Jana yametokea maajabu zaidi hapo uwanja wa Benjamin Mkapa baada ya mwamuzi Martin Saanya kukataa bao la kusawazisha la Geita Gold kwenye mchezo dhidi ya Simba
Bahati mbaya hutawasikia wale 'wachambuzi chupli-chupli' wakilizungumzia hili
Tutaendelea kusema waamuzi hawa wanafanya makosa kwa sababu ni binadamu, hatujui kama kuna mambo mengine gizani
Lakini nadhani ili kupata suluhu ya makosa haya yanayojirudia kila mara, TFF wanapaswa kufikiria uwezekano wa kuleta VAR nchini
Ni aibu kwa uwekezaji mkubwa unaofanywa na Azam Media katika ligi yetu halafu yanatokea matukio ya uonevu wa waziwazi kwa baadhi ya timu hasa ndogo
Udhamin ambao Azam wameweka kwa ligi kuu ya Tanzania Bara ni mara 10 ya udhamini ambao DSTV wameweka kwa ligi kuu ya Zambia
Lakini Zambia tayari wako kwenye mchakato wa kufunga VAR, kwa nini Tanzania tusifikirie hili?
Nadhani kwa sasa VAR ndio suluhisho la hizi changamoto zinazojitokeza kwani waamuzi watakuwa na nafasi ya kupitia maamuzi yao yenye utata na kuchukua hatua sahihi
Hakuna namna matukio haya yatakwisha kwa sababu zipo adhabu zinatolewa kwa waamuzi lakini hakuna mabadiliko
