Mshambuliaji wa Yanga Heritier Makambo amesema ufinyu wa muda wa kucheza umepelekea kutong'ara kwenye ligi mpaka sasa
Hata hivyo amesema anaamini wakati wake utafika, mashabiki waendelee kuwa na imani nae
Tangu kuanza kwa msimu huu Makambo amefunga mabao mawili katika michezo ya kirafiki ambapo kwenye michezo sita aliyopata nafasi ya kucheza kwenye ligi, hajaweza kufunga bao
Ubora alionao Fiston Mayele unampa wakati mgumu Makambo kupata nafasi ya kuanza kwenye kikosi cha kwanza
"Kila kitu kina wakati wake kwa sasa nina amini kwamba nitafunga muda wangu ukifika na nitafanya vizuri lakini ninachofurahi ni kwamba timu inapata matokeo. Najua mashabiki wanahitaji kuona nikifunga, muda bado nitafunga tu ni jambo la kusubiri,muda ukifika nitafunga," alisema Makambo
Katika msimu wake wa mwisho kabla ya kutimkia Horoya Ac Makambo alifunga mabao 22 katika mashindano yote
Ni maoni ya mashabiki wengi waliopendekeza mshambuliaji huyo kurejeshwa na GSM
