Mshambuliaji wa Yanga Fiston Mayele amesema anapokuwa uwanjani anajituma na kutumia akili katika kufunga mabao
Nyota huyo raia wa DR Congo amefichua kuwa kufunga mabao ni kazi anayoipenda zaidi na huwa hana furaha anapotoka uwanjani pasipo kufunga
Amesema jina lake linabeba siri kubwa ya mafanikio yake kwenye soka
"Jina langu la Mayele linamanisha akili, huwa nikifanya kazi zangu kwa kufikili zaidi namna ya kuwa bora, huwa sijisikii vizuri nisipofunga"
"Jina hilo lina tafsiri mengi katika maisha yangu, kwa upande wa soka ndio hayo mnayaona, mengine ni mambo yangu binafsi"
"Sitaki niongee mengi, acha niendelee kupambana na kazi zangu, mashabiki wataona wenyewe, ila tafsiri ya jina langu linaendana na uhalisia wa maisha yangu kwenye maeneo mbalimbali," Mayele alinukuliwa na gazeti la Mwanaspoti
Akitua Yanga kutoka klabu ya AS Vita, baada ya mechi saba katika ligi kuu ya NBC, Mayele amejipambanua kuwa moja ya washambuliaji hatari msimu huu
Amefunga mabao matatu katika ligi kuu ya NBC pia akifunga bao pekee kwenye mchezo wa Ngao ya Jamii dhidi ya Simba
Ndiye mshambuliaji anayetengeneza nafasi nyingi zaidi kwenye ligi. Wengi wamemtabiria kuwa miongoni mwa wachezaji wenye nafasi ya kushinda kiatu cha dhahabu msimu huu
