Kocha Msaidizi wa Yanga Cedrick Kaze amesema wana matumaini makubwa watapata ushindi kwenye mchezo wa ligi kuu dhidi ya Simba ambao utapigwa Jumamosi kwenye uwanja wa Benjamin Mkapa
Kaze amesema kwa takribani wiki moja wamekuwa wakijiandaa na mchezo huo na ameona morali ya wachezaji ilivyo juu
Kocha huyo raia wa Burundi amesema sio suala la kushinda tu, lakini wamepania kucheza kandanda safi kuwapa burudani mashabiki wao
"Nakuhakikishia tutacheza mpira mzuri na tutashinda kwani vijana wako vizuri na morali ni ya juu sana na kubwa kuliko vyote wachezaji wanaitaka hiyo mechi, tuombe uzima tu," alisema Kaze
Wakati wapinzani zao Simba wakiendelea kuvutana na TFF kuhusu nembo ya GSM, Wananchi wanawasubiri kuwaonyesha kazi pale uwanja wa Benjamin Mkapa Jumamosi
