Jana Kibwana Shomari aliendelea kudhihirisha thamani yake katika kikosi cha Yanga kwa kuonyesha kiwango bora kwenye mchezo dhidi ya Simba ambao ulimalizika kwa matokeo ya suluhu ya bila kufungana
Kijana huyo mdogo jana alibadilishiwa watu watatu katika nafasi yake, lakini wote waligonga mwamba
Alinza Kibu Denis, akatolewa baada ya kushindwa kufua dafu, akaletewa Bernard Morrison akashindwa na mwisho akaletewa Yusufu Mhilu
Kibwana amekomaa hasa na sasa hizi dabi kwake zimekuwa ni mechi za kawaida
Tabia ya kuwadhibiti wale wachezaji wao tegemeo hakuianza leo, kazi hiyo ameifanya kuanzia msimu uliopita
Kibwana ni mmoja wa wachezaji wa Yanga waliopata alama nyingi kwa kuonyesha kiwango bora katika mchezo huo ulioiacha Yanga ikiendelea kubaki kileleni mwa msimamo wa ligi baada ya kufikisha alama 20
