Baadae leo, kikosi cha Yanga kitashuka uwanja wa Benjamin Mkapa kuikabili Ihefu Fc ukiwa ni mchezo wa raundi ya tatu michuano ya kombe la Shirikisho la Azam (ASFC)
Wananchi wanahitaji ushindi ili kusonga mbele hatua inayofuata katika michuano hiyo. Ni msimu ambao Yanga imepania kushinda mataji yote ya ndani
Katika mchezo huo tutarajie mabadiliko katika kikosi kinachoanza sura mpya zikitarajiwa kuingia
Baadhi ya wachezaji ambao wamekuwa wakicheza mfululizo, huenda wakapewa mapumziko ili kuwapisha wengine
Ikumbukwe baada ya mchezo wa leo, Yanga inakabiliwa na mchezo mgumu wa ligi kuu dhidi ya Tanzania Prisons ambao utapigwa Disemba 19 katika uwanja wa Nelson Mandela
Nyota ambao wanaweza kupewa nafasi katika mchezo wa leo ni mlinda lango Erick Johora, David Bryson, Abdallah Shaibu, Mukoko Tonombe, Zawadi Mauya na Heritier Makambo
Pia wapo Yusufu Athumani, Deus Kaseke, Dickson Job, Paulo Godfrey, Mapinduzi Balama, Yassin Mustafa na Adeyum Saleh
Hata hivyo kwa kuwa ni mchezo wa mtoano, ni wazi Nabi ataweka silaha zake muhimu nje tayari kuzitumia wakati wowote
