Yanga kushusha mrithi wa Kabwili

Uongozi wa Yanga unatarajiwa kusajili mlinda lango mwingine ambaye ataweza kuwapa changamoto Djigui Diarra na Erick Johora baada ya kuachana na Ramadhani Kabwili

Miongoni mwa walinda lango wanaotajwa kuwa katika rada za Yanga ni Aboutwalib Mshery kutoka klabu ya Mtibwa Sugar

Akiwa na umri wa miaka 21, Mshery amedhihirisha ubora wake akiwa mlinda lango namba moja wa Mtibwa tangu msimu uliopita

Mwezi Januari 2022 Yanga itakosa huduma ya mlinda lango wake namba moja Djigui Diarra ambaye ataelekea Cameroon kushiriki michuano ya Afcon 2021 akiwa na kikosi cha Mali

Djigui hatakuwepo nchini kwa takribani mwezi mmoja pamoja na kuwa ligi itasimama mwanzoni mwa mwaka kupisha michuano ya kombe la Mapinduzi itakayofanyika visiwani Zanzibar