Aliyekuwa kiungo wa Azam Fc, Salum Abubakari 'Sureboy' anajiunga na Yanga kwa mkataba wa miaka miwili
Wakala wa Sureboy Herry Mzozo amethibitisha kuwa tayari wamefikia makubaliano na uongozi wa Yanga ambao mteja wake atajiunga na mabingwa hao wa kihistoria, atasaini mkataba wa miaka miwili
"Kama mlivyosikia, Azam Fc wameridhia kuvunja mkataba wa Sureboy baada ya kuitumikia timu hiyo kwa muda mrefu. Hakuna siri tena, Sureboy anajiunga na Yanga, mazungumzo yamekamilika na atasaini mkataba wa miaka miwili," alisema Mzozo
Katika hatua nyingine, Afisa Habari wa Yanga Hassan Bumbuli amesema kabla ya mchezo dhidi ya Biashara United ambao utapigwa Disemba 26, watatangaza usajili wa nyota wapya
"Michakato yote ya usajili inakwenda vizuri, pengine kabla ya mchezo wetu dhidi ya Biashara United, kuna jambo litatokea," alisema Bumbuli
