Kocha Msaidizi wa Yanga Cedric Kaze amewataka wachezaji wa timu hiyo kuziheshimu timu zote zinazoshiriki Ligi Kuu, vinginevyo wanaweza kujikuta wanashindwa kufanikisha malengo yaliyowekwa msimu huu
Yanga inaongoza ligi kwa sasa ikiwa imekusanya alama 23 baada ya kushuka dimbani mara tisa, ni msimu ambao Wananchi wamepania kumaliza ukame wa mataji ya ligi kuu baada ya kukaa misimu minne mfululizo
Kaze amesema wachezaji hawapaswi kudharau mpinzani bila ya kujali ni timu ndogo au kubwa kwani linapokuja suala la mpira wa miguu timu yoyote inaweza kushinda
"Yanga inamalengo yake na malengo hayo yanafikiwa kutokana na juhudi za wachezaji uwanjani sasa nilazima tuwakumbushe kila mchezo lazima wacheze kwa kujitoa siyo kuchagua mechi ya kucheza kwabidii na nyingine unacheza ilimradi,” alisema Kaze
Kocha huyo amesema uongozi na benchi la ufundi wamepania kufuta unyonge msimu huu kwa kutwaa ubingwa wa Ligi Kuu na Kombe la FA, itawezekana endapo kila mchezaji atawajibika ipasavyo kwenye nafasi yake
Baada ya ushindi wa mabao 2-1 dhidi ya Tanzania Prisons mwishoni mwa wiki iliyopita, Yanga imeanza maandalizi ya mchezo unaofuata dhidi ya Biashara Unite ambao utapigwa uwanja wa benjamin Mkapa, Disemba 26
