Siku za karibuni zimeibuliwa tetesi kuwa kiungo Mcongoman Mukoko Tonombe anaondoka Yanga baada ya kugoma kuongeza mkataba
Kaimu Mtendaji Mkuu wa Yanga Senzo Mazingisa amesema taarifa hizo ni tetesi tu, na pengine zimeibuliwa kwa kuwa Mukoko hapati nafasi ya kucheza mara kwa mara kwenye kikosi cha kwanza kutokana na ushindani uliopo
Hata hivyo Senzo amesisitiza kuwa Mukoko ni mchezaji wa Yanga, mwenyewe yuko tayari kupigania nafasi yake kwenye kikosi cha kwanza
"Nani anasema Mukoko ataondoka?, ni tetesi tu zinazotokana na hali ya kwamba Mchezaji wetu sasa hapati nafasi kama ilivyokuwa wakati uliopita"
"Lakini nampongeza sana Mukoko kwa kuwa Muungwana. Unapoona timu ina ushindani mkubwa wa namba, sasa jua upo katika muelekeo mzuri," alisema Senzo
Mukoko yuko Misri akiwa na timu ya Taifa ya DR Congo inayojiandaa na mechi za play-off kusaka tiketi ya michuano ya kombe la Dunia
Katika kikosi cha DR Congo pia wamo Shabani Djuma na Yannick Bangala
