Nyota wengine kutua Zanzibar Jumapili

Kuelekea mchezo wa nusu fainali kombe la Mapinduzi dhidi ya Namungo Fc/Azam Fc, wachezaji sita wa Yanga pamoja na kocha Nasreddine Nabi wanatarajiwa kuwasili visiwani Zanzibar kesho, Jumapili kukiongezea nuvu kikosi kuelekea mchezo huo

Afisa Habari wa Yanga Hassan Bumbuli amesema Yanga itakuwa na kikosi chake kamili kuanzia hatua ya nusu fainali akiwataja wachezaji hao kuwa ni Khalid Aucho, Fiston Mayele na Saido Ntibazonkiza

Wengine ni Shabani Djuma, Mukoko Tonombe na Yannick Bangala waliokuwa na timu ya Taifa ya DR Congo nchini Misri

Nabi anatarajiwa kuwasili nchini leo akitokea Ubelgiji alikokwenda kwa ajili ya mapumziko ya takribani siku tano