Jumapili, January 16 2022, Wananchi watakuwa mkoani Tanga kupepetana na Coastal Union katika mchezo wa ligi kuu ya NBC
Ni mchezo mwingine ambao Yanga inazihitaji alama zote tatu ili kuhakikisha wanaendelea kujiimarisha kileleni mwa msimamo wa ligi
Aidha mlinda lango Abdultwalib Mshery atarejea tena kucheza uwanja wa Mkwakwani msimu huu lakini safari hii akiwa na Yanga
Mchezo wake wa mwisho kabla ya kusajiliwa na Yanga, ulikuwa dhidi ya Coastal Union wakati akiwa na Mtibwa Sugar
Mchezo huo uliopigwa uwanja wa Mkwakwani ulimalizika kwa Mtibwa Sugar kuibuka na ushindi wa bao 1-0
Mshery aliibuka kuwa nyota wa mchezo huo kwani pamoja na mashambulizi mengi yaliyofanywa na Coastal Union, alikuwa imara langoni kuondoa hatari zote
Jumapili anarejea tena Mkwakwani lakini sasa akiwa katika uzi wa Yanga
