Kundoka kwa Mukoko Tonombe kumewaumiza mashabiki wengi wa Yanga waliokuwa wakimkubali sana Mcongomani huyo
Mukoko alisajiliwa na Yanga miezi 18 iliyopita katika mpango wa kuisuka upya Yanga akitua sambamba na Tuisila Kisinda
Hawa ndio wachezaji waliopata mapokezi makubwa kutoka kwa mashabiki sambamba na Carlinhos ambaye hakumaliza hata msimu mmoja
Mukoko aliipenda Yanga kama vile mashabiki walivyompenda. Alitumika katika kipindi kigumu, Wananchi wakajenga imani kubwa kwake nae hakuwaangusha
Hiki kimekuwa kipindi kigumu sana kwake kuwaaga mashabiki waliokuwa wakimpenda sana lakini maisha lazima yaendelee
Naamini uongozi wa Yanga umeridhia kumuacha Mukoko kwa kuangalia maslahi ya pande zote
Kwa jinsi safu ya kiungo ya kikosi cha Yanga ilivyo sasa, ilikuwa sio rahisi kwa Mukoko kuhakikishia nafasi ya kudumu kwenye kikosi cha kwanza
Yannick Bangala na Khalid Aucho wanafanya vizuri sana, hakuna kocha anayeweza kuwaacha nje katika timu yake
Zawadi Mauya pia kiwango chake kimeimarika sana, amekuwa mbadala wa karibu zaidi kuliko ilivyokuwa kwa Mukoko
Yanga pia imemsajili Salum Abubakar 'Sure Boy' mchezaji mwenye sifa zinazishabihiana na viungo hao
Mukoko alihitaji kucheza, TP Mazembe wamemuhakikishia nafasi ya kucheza kwani pengine ataendelea kuilinda nafasi yake katika timu ya Taifa
Kwa wakati huu, mfumo wa kocha Nabi umeonekana kutomuhitaji, pengine anaweza kuhitajika wakati mwingine na nafasi ya kurejea ipo
