Yanga Princess yaifumua Mlandizi Queens 4-0

Yanga Princess imetakata uwanja wa Mabatini, Ruvu wakiichapa Mlandizi Queens mabao 4-0 katika mchezo muhimu ambao kinadada wa Yanga Princess waliuhitaji sana ushindi huo

Yanga Princess iliyokuwa na wachezaji nane kwenye timu ya Taifa ya U20 iliyokuwa ikisaka nafasi ya kucheza kombe la dunia wakitolewa na Ethiopia kwa kufungwa mabao 2-1, walikuwa na mechi sita za viporo ambazo wanapaswa kushinda zote ili kuweka hai matumaini ya ubingwa

Wapinzani wao Simba Queens wameshinda mechi zao zote 10 na wako kileleni mwa msimamo wa ligi

Mchezo uliopita Yanga Princess ililazimishwa sare ya mabao 2-2 dhidi ya Tiger Queens hivyo ilikuwa muhimu leo kupata ushindi