Katika msimu huu Yanga inamalizana 'kibabe' na timu zote zilizowakosesha ubingwa wa ligi kuu katika msimu uliopita
Hesabu za Yanga katika mbio za ubingwa wa ligi kuu msimu uliopita zilivurugika kwenye duru ya pili baada ya kukosa ushindi katika michezo dhidi ya Coastal Union (Mkwakwani), Polisi Tanzania(Ushirika), Kagera Sugar (Mkapa), Mbeya City(Mbeya), Tanzania Prisons (Rukwa) na KMC (Mkapa)
Katika msimu huu Wananchi wamesahihisha makosa yao kwa kupata ushindi uwanja wa Mkwakwani (Coastal Union), Sheikh Amri Abeid (Polisi Tanzania), Kagera Sugar (Mkapa) na Nelson Mandele(Rukwa)
Mchezo wa duru ya kwanza dhidi ya KMC nao wakafanikiwa kupata ushindi wa mabao 2-0 mkoani Ruvuma, Jumamosi hii wanamalizana na KMC katika uwanja wa Benjamin Mkapa
Huu ni mchezo mwingine muhimu kwa Yanga matokeo ya ushindi yatawafanya wasogea hatua nyingine moja kuelekea ubingwa
Kwa sasa wapinzani wa Yanga katika mbio za ubingwa wanaiombea Yanga ikose matokeo katika angalau michezo minne
Huu ndio wakati ambao wachezaji wa Yanga wanapaswa kuongeza umakini katika michezo inayofuata. Upinzani utaendelea kuongezeka kadiri wanavyopata matokeo
Kama Yanga itaendeleza wimbi la ushindi katika michezo mitano ijayo, basi inaweza kuwa katika nafasi nzuri sana ya kutwaa ubingwa
Habari njema ni kuwa Yanga itacheza michezo saba inafuata jijini Dar es salaam, mchezo dhidi ya Azam Fc utapigwa Azam Complex na mingine yote iliyobaki itapigwa uwanja wa Benjamin Mkapa
