Baada ya ushindi mnono wa mabao 2-0 dhidi ya KMC hapo jana, wachezaji walioitwa timu za Taifa wanaondoka kwa ajili ya majukumu ya Kimataifa katika mechi zilizo kwenye kalenda ya FIFA huku Kocha Mkuu wa Yanga Nasreddine Nabi akitoa mapumziko ya siku chache kwa wengine kabla ya kuanza maandalizi ya mchezo unaofuata dhidi ya Azam Fc
Yanga ina siku 17 za kujiandaa na mchezo huo utakaopigwa uwanja wa Azam Complex, April 06
Mchezo huo ni moja ya mechi muhimu za kuamua hatma ya ubingwa kwa Yanga msimu huu
Kabla ya mchezo dhidi ya KMC, Nabi alitaja michezo mitano ambayo kama Yanga itashinda basi wanaweza kuanza kufikiria ubingwa
Michezo hiyo ni dhidi ya KMC ambao Yanga imeshinda jana, mchezo unaofuata dhidi ya Azam Fc, kisha utafuata mchezo dhidi ya Simba April 30 kisha kufuatiwa na michezo dhidi ya Ruvu Shooting na Namungo Fc
