Kikosi cha Yanga kinaendelea na mazoezi chini ya Kocha Msaidizi Cedric Kaze baada ya kocha mkuu Nasreddine Nabi kurejea Ubelgiji kwa ajili ya mapumziko
Yanga ilirejea kambini Jumatano iliyopita kuanza maandalizi ya mchezo dhidi ya Azam Fc ambao utapigwa April 06 katika uwanja wa Azam Complex
Kabla ya mchezo huo, Yanga itacheza mechi moja ya kirafiki dhidi ya Mafunzo Fc kutoka visiwani Zanzibar, mchezo ukipigwa Azam Complex
Profesa Nabi anatarajiwa kurejea nchini baada ya kumalizika kwa mapumziko ya kalenda ya FIFA, Machi 30 kukamilisha maandalizi ya kikosi chake kuelekea mchezo dhidi ya Azam Fc
Yanga inajifua huku ikiwakosa wachezaji 12 ambapo nane wanakabiliwa na majukumu ya timu za Taifa, Saido Ntibazonkiza na Abdallah Shaibu wana ruhusa maalum wakati Jesus Moloko na Yacouba Songne ni majeruhi
