Mtaalamu wa viungo Yanga, Youssef Amar amesema mshambuliaji Yacouba Songne anatarajiwa kuanza mazoezi April mosi baada ya afya yake kuimarika
Yacouba yuko nje ya uwanja tangu mwezi Novemba 2021 baada ya kufanyiwa upasuaji mkubwa wa goti nchini Tunisia
Kulikuwa na wasiwasi kuwa jeraha hilo lingeweza kumuweka nje msimu huu wote lakini sasa upo uwezekano Wananchi watamshuhudia Yacouba akirejea uwanjani kabla ya msimu kumalizika
"Yacouba kwa sasa anaendelea vizuri, tunasubiri mpaka Aprili 1 ndio aanze rasmi mazoezi ya ufiti ambayo ni pamoja na gym"
"Akimaliza program hiyo ataanza mazoezi na wenzake kwa ajili ya kujiandaa kucheza mechi za ushindani ambazo zitakuwa zimesalia msimu huu, tuna imani ataanza kupatikana mapema sana kwa kuwa maendeleo yake ni mazuri," alisema Youssef
Youssef amethibitisha kuwa winga Jesus Moloko nae amepona na tayari ameanza program maalum ya mazoezi itakayomuweka sawa kabla ya kujiunga na mazoezi ya timu
