Kikosi cha Yanga kinaingia kambini leo Ijumaa kuanza maandalizi ya mchezo wa ligi kuu dhidi ya Azam Fc ambao utapigwa April 06
Afisa habari wa Yanga Hassan Bumbuli amesema wachezaji wote ikiwa ni pamoja na wale waliokuwa na majukumu timu za Taifa, wataripoti kambini
Bumbuli amesema wachezaji waliopata majeraha wakati wakiwa timu za Taifa, watapokelewa na daktari wa Yanga ambaye atafuatilia taarifa zao kwa ajili ya kuandaa utaratibu wa matibabu yao
"Kikosi kinatarajiwa kuingia kambini kesho (leo), Saido (Ntibazonkiza) bila shaka atakuwa ameshafika nchini tayari kwa kujumuika na wenzake hapo kesho
"Tunategemea Daktari wa timu atapata muda wa kufuatilia ripoti za madaktari za wachezaji wetu ambao wamerudi na majeruhi kutoka kwenye majukumu ya mataifa yao (Aucho na Feisal) ili nasisi tuweze kujiridhisha na kujua tuanzie wapi ki matibabu," alisema Bumbuli
