Afisa Habari wa Yanga Hassan Bumbuli amesema kwa sasa 'focus' yao ni kutimiza malengo ya msimu huu ambayo ni kushinda ubingwa wa ligi kuu na kombe la FA, masuala ya usajili yatazungumzwa wakati utakapofika
Yanga imekuwa ikihusishwa na nyota kadhaa ambapo tetesi zimewataja zaidi kiungo mshambuliaji wa Asec Mimosas Stephen Aziz Ki na mshambuliaji wa Zanaco Moses Phiri
Bumbuli amesema hawawezi kuzuia tetesi zinazowahusisha na baadhi ya wachezaji lakini masuala ya usajili watayazungumza dirisha la usajili litakapofunguliwa
"Tumezisikia tetesi kuhusu hao wachezaji lakini nafikiri muda wa kuzungumza mambo ya usajili bado. Yanga imekuwa ikihusishwa na wachezaji wengi tu, muhimu tusubiri wakati sahihi utakapofika," alisema Bumbuli
Juzi wakati akizungumza na wanahabari, Msemaji wa Yanga Haji Manara alidokeza kuwa Yanga itaongeza wachezaji wanne au watano katika dirisha la usajili lijalo ambao wachezaji hao watagharimu takribani Bilioni 2.4
