Yanga yatajwa kumalizana na beki Mganda

Yanga inatajwa kumalizana na mlinzi wa kushoto wa Kimataifa wa Uganda, Mustafa Kiiza (22)

Kizza alikuwa akiitumikia Montreal (Ligi Kuu ya Marekani) kwa mkopo akitokea klabu ya KCCA

Yanga ambayo tayari imejihakikishia kushiriki michuano ya ligi ya mabingwa msimu ujao, imepania kuimarisha kikosi ili kufanya vizuri katika michuano hiyo

Safu ya ulinzi upande wa kushoto ni miongoni mwa maeneo ambayo hakuna shaka yanahitaji maboresho

Kibwana Shomari amekuwa chaguo la kwanza katika nafasi hiyo licha ya kuwa hatumii mguu wa kushoto kwa asili