Mchezo wa ligi kuu kati ya Biashara United dhidi ya Yanga uliopigwa uwanja wa CCM Kirumba umemalizika kwa matokeo ya sare ya bao 1-1
Yanga ilitangulia kufunga bao kwenye dakika ya 74 kupitia kwa Fiston Mayele aliyeunganisha krosi murua ya Juma Shabani
Collins Opare akaisawazishia Biashara United dakika tatu baadae akitumia makosa ya wachezaji wa Yanga waliochelewa kuzuia shambulizi la kushitukiza
Hata hivyo ni mchezo ambao Yanga ingeweza kuumaliza tangu kipindi cha kwanza, Chico Ushindi, Dickson Ambundo na Mayele wakikosa nafasi muhimu
Kocha Mkuu wa Yanga Nasreddine Nabi leo aliwapumzisha baadhi ya wachezaji, Yannick Bangala, Djigui Diarra, Khalid Aucho na Salum Abubakar 'Sure Boy' wote hawakuwa sehemu ya mchezo huo
Yanga imeongeza alama moja ikifikisha alama 64 sasa wakihitaji alama tatu katika michezo minne iliyobaki ili kustwaa ubingwa
