Feisal Salum 'Fei Toto' ameipa Yanga ushindi muhimu uliowapeleka hatua ya nusu fainali ya michuano ya kombe la Shirikisho la Azam (ASFC) kwa ushindi wa bao 1-0 dhidi ya Simba
Lilikuwa shuti la umbali wa takribani mita 25-30 lililojaa moja kwa moja kimiani upande wa kushoto wa mlinda lango Beno Kakolanya
Wananchi waliingia katika mchezo huo wakiwa na shauku ya ushindi, dakika 45 za kwanza Yanga ilitengeneza nafasi nyingi ambazo pengine zingeweza kuwahakikishia ushindi mnono zaidi
Ni ushindi uliowapa furaha mashabiki wa Yanga, kwani matokeo haya ni kisasi cha kupoteza mchezo wa fainali dhidi ya Simba msimu uliopita
Wananchi wanatangulia Arusha kwa ajili ya mchezo wa fainali wakimsubiri mshindi wa mchezo kati ya Azam Fc dhidi ya Coastal Union ambao utapigwa kesho Jumapili katika uwanja wa Sheikh Amri Abeid
