Yanga kuingia kambini Jumapili

Kikosi cha Yanga kitaingia kambini kesho Jumapili kukamilisha maandalizi ya mchezo wa ligi kuu dhidi ya Coastal Union ambao utapigwa Jumatano, Juni 15 katika uwanja wa Benjamin Mkapa

Afisa Habari wa Yanga Hassan Bumbuli amesema timu itaingia kambini ikiwa na kikosi kamili kitakachowajumuisha wachezaji waliokuwa katika majukumu ya timu za Taifa

Wachezaji hao walipewa mapumziko ya siku mbili baada ya kurejea

Aidha Bumbuli amewahamasisha Mashabiki wa Yanga kuendelea kuchangia shindano la Nani Zaidi huku akitamba kuwa wataonyesha ukubwa wao kwenye shindano hilo baada ya mchezo dhidi ya Coastal Union ambao anaamini wataibuka na ushindi ili kuwa mabingwa wa ligi kuu msimu huu